Noriichten

Zwee Deeg, nodeems en am Ministerrot ugeholl gouf, hunn d'Inneministesch, Taina Bofferding, de Wunnengsbauminister, Henri Kox, an d'Finanzministesch, Yuriko Backes, haut de Gesetzprojet iwwert d'Grondsteier, d'Mobiliséierungssteier vun Terrainen an d'Leerstandssteier op Wunnenge, sou wéi de Gesetzprojet iwwert de nationale Regëster vu Gebaier a Wunnengen presentéiert.

D'Gesetz, dat eng Upassung zur Erhéijung vun der Loyerssubventioun virgesäit an soumat een Deel vum Tripartitesaccord vum Fréijoer ëmsetzt, ass den 1. August a Kraaft getrueden. Bei der Ëmsetzung vun de neie Grenzwäerter huet sech allerdéngs erausgestallt, datt an der Versioun vum Text, deen an der Chamber deposéiert a gestëmmt an am Journal officiel verëffentlecht gouf, e materielle Feeler steet.

Fir der Präisdeierecht an dem Drock op d'Kafkraaft vun de vulnerabelste Stéit entgéint ze wierken, gesäit den Accord, deen tëschent der Regierung, der Union des entreprises luxembourgeoises (UEL) an de Syndikater CGFP an LCGB ënnerschriwwe gouf, dräi grouss Mesurë vir, déi souwuel Locatairë wéi och Proprietairen ënnerstëtze sollen.

De Wunnengsbauminister a Minister fir bannescht Sécherheet Henri Kox huet decidéiert, opgrond vun engem positiven Covid-19-Test bei engem vu sengen enke Mataarbechter, a Quarantän ze goen a sech selwer engem Test ze ënnerzéien. De Minister weist den Ament keng Symptomer.

Pressekonferenz am Livestream um 14:30 Auer vum Henri Kox iwwert d'COVID-19-Kris an d'Erausfuerderunge vum bezuelbare Wunnraum.

Am Kader vun der ëffentlecher Feier fir de Gebuertsdag vum Grand-Duc, participéieren d'Membere vun der groussherzoglecher Famill a vun der Regierung den 22. an den 23. Juni un de Festivitéiten, déi zu Esch-Uelzecht, zu Buerschent an an der Stad Lëtzebuerg organiséiert ginn.

De Fonds Kirchberg, d'SNHBM an de Wunnengsbauministère hunn haut eng Konventioun ënnerschriwwenn déi et erméiglecht d'Offer vun bezuelbaren Locatiounswunnengen ze erhéijen.

Am Kader vun der ëffentlecher Feier fir de Gebuertsdag vun S.K.A. dem Grand-Duc, participéieren d'Membere vun der groussherzoglecher Famill a vun der Regierung den 22. an den 23. Juni un de Festivitéiten, déi zu Esch-Uelzecht, an der Fiels an an der Stad Lëtzebuerg organiséiert ginn.